आबा आले, बाबा आले
त्यात्या आले, मामा आले
अबूबाई, ढबूताई
गावभरचे लोक आले....!
मेणबत्त्या घेऊन आले
टोप्या, झेंडे घेऊन आले
पाठोपाठ त्यांच्या आता
च्यानेलवाले बूम आले...!
गल्लीपासून दिल्लीपर्यंत
देशभक्तीचे पीक आले
जिकडे तिकडे नारेबाजी
उत्साहाला उधाण आले...!
ऑनलाईन ऑफलाईन
नेटवर्किंग सुरु झाले
चड्डीवाल्या पोरांपासून
मोठेसुद्धा अण्णा झाले...!
टीव्हीवरती सगळे सगळे
आंदोलन "लाईव्ह' झाले
टीआरपीच्या गणितात
च्यानेल "सर्वाईव्ह' झाले !
- दुर्गेश सोनार ( १८ ऑगस्ट २०११)
No comments:
Post a Comment